ຄວາມສຳຄັນ ແລະ ຂອບເຂດຂອງການຕະຫຼາດ
1.1.ຄວາມໝາຍຂອງການຕະຫຼາດ
ການຕະຫຼາດໝາຍເຖິງ ກິດຈະກຳທາງທຸລະກິດ ທີ່ເຮັດໃຫ້ສິນຄ້າ ແລະ ບໍລິການເຄື່ອນຍ້າຍຈາກແຫຼ່ງຜະລິດ ຫຼື ຜູ້ໃຫ້ບໍລິການ ໄປເຖິງຜູ້ບໍລິໂພກ ໂດຍອາໄສສ່ວນປະສົມທາງການຕະຫຼາດ ເພື່ອສ້າງຄວາມເພິ່ງພໍໃຈສູງສຸດ ໃຫ້ແກ່ລູກຄ້າ ແລະ ເພື່ອບັນລຸຕາມຈຸດປະສົງຂອງອົງກອນທຸລະກິດທີ່ກຳນົດໄວ້.
1.2.ຄວາມສໍາຄັນຂອງການຕະຫຼາດ
1. ຄວາມສຳຄັນຕໍ່ສັງຄົມ
- ການຕະຫຼາດຊ່ວຍຍົກລະດັບມາດຕະຖານການຄອງຊີບຂອງປະຊາຊົນ
- ການຕະຫຼາດພາໃຫ້ເກີດການໝູນວຽນ ປັດໃຈການຜະລິດຕ່າງໆ ໂດຍການນຳເອົາປັັດໃຈການຜະລິດທີ່ມີຢູ່ມາຜະລິດເປັນສິນຄ້າ ໃຫ້ເປັນທີ່ນິຍົມຂອງຜູ້ບໍລິໂພກ.
2. ຄວາມສຳຄັນຕໍ່ເສດຖະກິດ
- ການຕະຫຼາດຊ່ວຍສ້າງຄວາມຕ້ອງການຊື້ ໃນສິນຄ້າແລະ ບໍລິການ.
- ເປັນການເພີ່ມການຜະລິດ ເພື່ອສະໜອງຄວາມຕ້ອງ ການຊື້ໃຫ້ເພີ່ມຂຶ້ນ, ເຮັດໃຫ້ມີການໃຊ້ປັດໃຈການຜະ ລິດ, ການລົງທຶນ, ການຈ້າງງານເພີ່ມຂຶ້ນ, ບໍ່ມີຄົນຫວ່າງານ, ລາຍໄດ້ຂອງປະຊາຊົນເພີ່ມຂຶ້ນ, ເສດ ຖະກິດຂະຫຍາຍຕົວ.
- ການຕະຫຼາດ ຊ່ວຍສະໜັບສະໜຸນການຄ້າລະຫວ່າງປະເທດຄື ຊ່ວຍໃຫ້ຂະຫຍາຍຕະຫຼາດຈາກພາຍໃນປະເທດ ອອກສູ່ຕະຫຼາດລະດັບຊາດ.
3. ຄວາມສຳຄັນຕໍ່ອົງກອນທຸລະກິດ
- ການຕະຫຼາດເປັນກິດຈະກຳທີ່ສ້າງລາຍໄດ້ໃຫ້ກັບອົງກອນແລະ ນຳໄປສູ່ການສ້າງຜົນກຳໄລ.
- ການຕະຫຼາດຊ່ວຍໃຫ້ມີແນວຄວາມຄິດລິເລີ່ມ ແລະ ພັດທະນາສິນຄ້າໃໝ່ໆ ເພື່ອມາຕອບສະໜອງຄວາມຕ້ອງການຂອງຜູ້ບໍລິໂພກ.
4. ຄວາມສຳຄັນຕໍ່ບຸກຄົນ
- ເຮັດໃຫ້ຜູ້ບໍລິໂພກພໍໃຈໃນການບໍລິໂພກສິນຄ້າ.
- ເຮັດໃຫ້ຜູ້ບໍລິໂພກ ໄດ້ຮັບຂ່າວສານ ເພື່ອໃຫ້ມີຄວາມຮູ້ໃນການເລືອກຊື້ສິນຄ້າທີ່ມີຄຸນະພາບ.
- ສາມາດນຳເອົາຄວາມຮູ້ທາງການຕະຫຼາດໄປປະຍຸກໃຊ້ໃນຊີວິດປະຈຳວັນ.
1.3.ແນວຄວາມຄິດທາງດ້ານການຕະຫຼາດ
ມີ 5 ແນວຄວາມຄິດຄື:
1. ແນວຄວາມຄິດດ້ານການຜະລິດ
2. ແນວຄວາມຄິດດ້ານຜະລິດຕະພັນ
3. ແນວຄວາມຄິດດ້ານການຂາຍ
4. ແນວຄວາມຄິດດ້ານການຕະຫຼາດ
5. ແນວຄວາມຄິດດ້ານການຕະຫຼາດເພື່ອສັງຄົມ
1. ແນວຄວາມຄິດດ້ານການຜະລິດ
ເປັນແນວຄວາມຄິດໃນຍຸກເກົ່າ,ໃນຍຸກທີ່ສິນຄ້າແລະບໍລິການຍັງບໍ່ທັນພຽງພໍ.
ໃຊ້ໄດ້ດີເມື່ອ demand > supply.
ເນັ້ນການປັບປຸງຄຸນະພາບຂອງການຜະລິດໃຫ້ຕົ້ນທຶນຕ່ຳລົງ ເພື່ອຂາຍສິນຄ້າໃນລາຄາຕ່ຳກ່ວາຄູ່ແຂ່ງພັດທະນາການຈັດຈຳໜ່າຍໃຫ້ມີປະສິດທິພາບ.
2. ແນວຄວາມຄິດດ້ານຜະລິດຕະພັນ
ຜູ້ບໍລິໂພກໃຫ້ຄວາມສຳຄັນຕໍ່ຄຸນນະພາບ, ປະສິດທິພາບ,ຮູບລັກສະນະຫຼາຍກວ່າລາຄາ.
ຜູ້ຜະລິດເນັ້ນການປັບປຸງຄຸນນະພາບຂອງຜະລິດຕະພັນຢ່າງຕໍ່ເນື່ອງ.
ລະວັງ ການຄິດແຕ່ຈະພັດ ທະນາຜະລິດຕະພັນ ຈົນລືມຄິດເຖິງຄວາມຕ້ອງການທີ່ແທ້ຈິງຂອງຜູ້ບໍລິໂພກ.
3. ແນວຄວາມຄິດດ້ານການຂາຍ
ຕ້ອງມີການກະຕຸ້ນການຂາຍ ດ້ວຍວິທີການຕ່າງໆເຊັ່ນ: ລົດ ແລກ ແຈກ ແຖມ ເພື່ອ ໃຫ້ເກີດການຊື້ໃນປະລິມານທີ່ຫຼາຍຂຶ້ນ.
ປະຈຸບັນໃຊ້ກັບສິນຄ້າທີ່ຂາຍຍາກ ຫຼື ສິນຄ້າທີ່ບໍ່ສະ ແຫວງຫາຊື້.
ເມື່ອກະຕຸ້ນໃຫ້ເກີດການຊື້ແລ້ວ ຕ້ອງລະວັງຄວາມເພິ່ງພໍໃຈຫຼັງການຊື້.
4. ແນວຄວາມຄິດດ້ານການຕະຫຼາດ
ພິຈາລະນາຄວາມຈຳເປັນ ແລະ ຄວາມຕ້ອງການຂອງຜູ້ບໍລິໂພກທີ່ແຕກຕ່າງກັນ ເພື່ອແບ່ງສ່ວນຕະຫຼາດ.
ມີການເລືອກຕະຫຼາດເປົ້າ ໝາຍ.
ສະແຫວງຫາກຳໄລຈາກຄວາມເພິ່ງພໍໃຈຂອງລູກຄ້າ.
5. ແນວຄວາມຄິດດ້ານການຕະຫຼາດເພື່ອສັງຄົມ
ຫຼັກການພື້ນຖານຄືແນວຄິດດ້ານການຕະຫຼາດ.
ຮັບຜິດຊອບຕໍ່ຜູ້ບໍລິໂພກ, ສິ່ງແວດລ້ອມ,ການເມືອງ,ການປົກຄອງ, ກົດໝາຍ, ວັດທະນະທຳ ແລະ ຊັບພະຍາ ກອນທຳມະຊາດ.
1.4.ໜ້າທີ່ທາງການຕະຫຼາດ
ມີ 3 ໜ້າທີ່ຄື:
ໜ້າທີ່ກ່ຽວຂ້ອງກັບການແລກປ່ຽນ
ໜ້າທີ່ກ່ຽວຂ້ອງກັບການແຈກຢາຍ
ໜ້າທີ່ກ່ຽວຂ້ອງກັບການອຳນວຍຄວາມສະດວກ
1.ໜ້າທີ່ກ່ຽວຂ້ອງກັບການແລກປ່ຽນ: ການໂອນກໍາມະສິດຄວາມເປັນເຈົ້າຂອງ
ການຊື້: ໝາຍເຖິງປະເມີນສິນຄ້າ ຫຼື ບໍລິການ ເພື່ອມາຈຳໜ່າຍຫຼືຜະລິດໃຫ້ກັບລູກຄ້າ.
ການຂາຍ: ໝາຍເຖິງການສົ່ງເສີມຜະລິດຕະພັນ ໂດຍອາໄສພະນັກງານຂາຍ ຫຼື ບໍ່ໃຊ້ພະນັັກງານຂາຍ.
2. ໜ້າທີ່ກ່ຽວຂ້ອງກັບການແຈກຢາຍ
ການຂົນສົ່ງ: ໝາຍເຖິງການເຄື່ອນຍ້າຍສິນຄ້າຈາກແຫຼ່ງໜຶ່ງໄປອີກແຫຼ່ງໜຶ່ງ ໂດຍໃຊ້ພາຫະນະຕ່າງເຊັ່ນ: ທາງບົກ, ທາງນໍ້າ, ທາງອາກາດ....
ການເກັບຮັກສາ: ໝາຍເຖິງການດູແລ, ການເກັບຮັກສາສິນຄ້າໄວ້ຈົນເຖິງເວລາທີ່ລູກຄ້າຕ້ອງການ ເຊິ່ງອາໄສສາງສິນຄ້າ ແລະ ການບໍລິຫານເຄື່ອງໃນສາງ
3. ໜ້າທີ່ກ່ຽວຂ້ອງກັບການອຳນວຍຄວາມສະດວກ
ການຈັັດມາດຕະຖານແລະລະດັບຄຸນະພາບຂອງສິນຄ້າ: ໝາຍເຖິງການຈັດແຍກສິນຄ້າຕາມຂະໜາດແລະຄຸນະພາບ
ການເງິນ: ເປັນໜ້າທີ່ໃນການຈັດຫາເງິນສົດແລະສິນເຊື່ອໃຫ້ພຽງພໍຕໍ່ການຂົນສົ່ງ, ການເກັບຮັກສາ,ການສົ່ງເສີມການຂາຍ, ການຂາຍແລະການຊື້ສິນຄ້າ.
ການຮັບພາລະສ່ຽງໄພ:ເປັນການຮັບພາລະຄວາມບໍ່ແນ່ນອນທີ່ອາດເກີດຂຶ້ນເຊັ່ນ ສິນຄ້າລ້າສະໄໝ, ເສຍຫາຍ,ຍອດຂາຍຫຼຸດລົງ, ການເຊື່ອມຄຸນນະພາບ....
ການໃຫ້ຂໍ້ມູນຂ່າວສານທາງດ້ານການຕະຫຼາດ: ໝາຍເຖິງການເກັບຂໍ້ມູນ,ການວິເຄາະຂໍ້ມູນ,ການນຳຂໍ້ມູນໄປໃຊ້ໃນການວາງແຜນແລະຄຸ້ມຄອງກິດຈະກຳທາງການຕະຫຼາດ
1.5.ສ່ວນປະສົມທາງດ້ານການຕະຫຼາດ
ຜະລິດຕະພັນ( Products )
ລາຄາ( Price )
ການຈັດຈຳໜ່າຍ( Place )
ການສົ່ງເສີມການຕະຫຼາດ( Promotion )