ຄຳຖາມ ຄົ້ນຄວ້າ ທິດສະດີເງິນຕາ ພາກຮຽນ 2 ປີ 2021

 

ຄຳຄຳຖາມຄົ້ນຄວ້າ ທິດສະດີເງິນຕາ ພາກຮຽນ 2 ປີ 2021

1. ຈົ່ງໃຫ້ນິຍາມຂອງ ເງິນ ແລະ ທາດແທ້ຂອງເງິນແມ່ນແນວໃດ ?

2. ການຂະຫຍາຍຕົວຂອງຮູບຖານເງິນຕາມີຈັກໄລຍະ ? ຄືໄລຍະໃດແດ່ ?

3. ຄຸນລັກສະນະຂອງວັດຖຸທີ່ເປັນເງິນໄດ້ດີມີຫຍັງແດ່ ?

4. ປະຫວັດຄວາມເປັນມາຂອງເງິນກີບລາວໄດ້ຜ່ານຈັກສະໄໝ ? ຄືສະໄໝໃດແດ່ ?

5. ສປປ ລາວ ໄດ້ມີການຈັດພິມເງິນກີບທະນາຄານອອກມາຈຳໝາຍທັງໝົດຈັກຄັ້ງ ? ແລະ ນຳໃຊ້ເງິນຄັ້ງທຳອິດປີໃດ ?

6. ເງິນເຟີ້ ແມ່ນຫຍັງ ? ແລະ ສາເຫດຂອງພາວະເງິນເຟີ້ມີສາເຫດມາຈາກໃສແດ່ ?

7. ພາວະເງິນເຟີ້ ແລະ ພາວະເງິນຝຶດ ມີຄວາມແຕກຕ່າງກັນຄືແນວໃດ ?

8. ສາເຫດຂອງເງິນເຟີ້ທີ່ເກີດຈາກອຸປະທານມີຫຍັງແດ່ ?

9. ຕະຫຼາດການເງິນມີບົດບາດຫຍັງແດ່ ?

10. ຮຸ້ນແມ່ນຫຍັງ ? ຮຸ້ນມີຈັກປະເພດ ? ຄືປະເພດໃດແດ່ ?

11. ພາລະບົດບາດຂອງທະນາຄານທຸລະກິດຕິດພັນກັບການຂະຫຍາຍຕົວຂອງພື້ນຖານເສດຖະກິດມີຫຍັງແດ່ ?

12. ອັດຕາດອກເບ້ຍມີຈັກປະເພດ ? ຄືປະເພດໃດແດ່ ?

13. ລະດັບອັດຕາດອກເບ້ຍເງິນຝາກທະນາຄານແມ່ນຂຶ້ນຢູ່ກັບຫຍັງ ?

14. ອັດຕາດອກເບ້ຍອ້າງອີງແມ່ນຖືກນຳໃຊ້ໃນເວລາໃດ ?

15. ບົດບາດອັດຕາດອກເບ້ຍໃນພື້ນຖານເສດຖະກິດມີບົດບາດໃດແດ່ ?

ຂະໝານຕອບຄຳຖາມຄົ້ນຄວ້າ ທິດສະດີເງິນຕາ ພາກຮຽນ 2 ປີ 2021

1. ຈົ່ງໃຫ້ນິຍາມຂອງ ເງິນ ແລະ ທາດແທ້ຂອງເງິນແມ່ນແນວໃດ ?

ເງິນ: ແມ່ນໝົດທຸກສິ່ງທຸກຢ່າງ ທີ່ສັງຄົມຍອມຮັບທົ່ວໄປ ໃຊ້ເປັນຊື່ກາງໃນການແລກປຽ່ນສິນຄ້າ ແລະ ບໍລິການໂດຍໄດ້ມີການຕັ້ງຫົວໝວ່ຍເງິນຕາຂຶ້ນ ແລະ ສາມາດຮັກສາມູນຄ່າໃຫ້ຄົງຢູ່ສະເໝີ.

ທາດແທ້ຂອງເງິນ: ແມ່ນເປັນສິ່ງໝຶ່ງທີ່ໃຊ້ເປັນສື່ກາງໃນການແລກປຽ່ນສິນຄ້າ ແລະ ບໍລິການ ເປັນພາຫະນະທີ່ຊວ່ຍໃນຂະບວນການແລກປຽ່ນໃຫ້ເປັນໄປຢ່າງງ່າຍດ່າຍຍິ່ງຂຶ້ນ.

2. ການຂະຫຍາຍຕົວຂອງຮູບຖານເງິນຕາມີຈັກໄລຍະ ? ຄືໄລຍະໃດແດ່ ?

ມີ 4 ໄລຍະຄື:

• ຮູບຖານສິນຄ້າ - ເງິນຕາ

• ເງິນເຈ້ຍ

• ເງິນເຊື່ອ

• ເງິນຕາອີເລັກໂຕຼນິກ

3. ຄຸນລັກສະນະຂອງວັດຖຸທີ່ເປັນເງິນໄດ້ດີມີຫຍັງແດ່ ?

• ເປັນທີ່ຍອມຮັບທົ່ວໄປ

• ລັກສະນະສັງເກດໄດ້ງ່າຍ

• ແບ່ງເປັນຫົວໝວ່ຍຍ່ອຍໄດ້ງ່າຍ

• ມີຄວາມທົົນທານ

• ສາມາດພົກພາໄດ້ສະດວກ

• ເປັນທີ່ຕ້ອງການຂອງສັງຄົມທົ່ວໄປ

4. ປະຫວັດຄວາມເປັນມາຂອງເງິນກີບລາວໄດ້ຜ່ານຈັກສະໄໝ ? ຄືສະໄໝໃດແດ່ ?

ໄດ້ຜ່ານ 7 ສະໄໝ່ຄື:

• ເງິນຕາ (ເງິນກີບ) ສະໄໝອານາຈັກລາວລ້ານຊ້າງ ແຕ່ ປີ ຄສ 1373 - 1478

• ເງິນຕາສະໄໝອິນດູຈີນ - ຝຣັ່ງເສດແຕ່ປີ 1875 – 1954.

• ເງິນກີບລາວອິດສະຫຼະ 1945 - 1946 (ວັນທີ 12 ຕຸລາ 1945, ລາວໄດ້ປະກາດເອກລາດຈາກຝຣັ່ງເສດເປັນຄັ່ງທຳອິດ ແລະ ໄດ້ພິມເງິນຂອງຕົນເອງອອກໃຊ້).

• ເງິນຕາສະໄໝຣາຊະອານາຈັກລາວ (ເງິນກີບວຽງຈັນ) ແຕ່ປີ 1952 - 1975.

• ການກຳເນີດ ແລະ ຄວາມເປັນມາຂອງເງິນກີບຄັງໄຂໃນປີ 1962.

• ການກຳເນີດຂຶ້ນ ແລະ ຄວາມເປັນມາຂອງເງິນກີບປົດປ່ອຍແຕ່ປີ 1968 - 1979

• ການກຳເນີດເງິນຕາສະໄໝປະຈຸບັນ (ເງິນກີບທະນາຄານ) ແຕ່ປີ 1979 ເຖິງປະຈຸບັນ

5. ສປປ ລາວ ໄດ້ມີການຈັດພິມເງິນກີບທະນາຄານອອກມາຈຳໝາຍທັງໝົດຈັກຄັ້ງ ? ແລະ ນຳໃຊ້ເງິນຄັ້ງທຳອິດປີໃດ ?

• ມີທັງໝົດ 10 ຄັ້ງ

• ນຳໃຊ້ເງິນຄັ້ງທຳອິດ 1979

6. ເງິນເຟີ້ ແມ່ນຫຍັງ ? ແລະ ສາເຫດຂອງພາວະເງິນເຟີ້ມີສາເຫດມາຈາກໃສແດ່ ?

ເງິນເຟີ້: ແມ່ນລາຄາສິນຄ້າສະເຫຼ່ຍໂດຍທົ່ວໄປເພີ່ມສູງຂຶ້ນເລື້ອຍໆ ຢ່າງຕໍ່ເນື່ອງເຮັດໃຫ້ມູນຄ່າຂອງເງິນຫຼຸດລົງ.

ສາເຫດຂອງພາວະເງິນເຟີ້ມາຈາກ:

• ພາວະເງິນເຟີ້ຈາກຄວາມຕ້ອງການ

• ພາວະເງິນເຟີ້ຈາກການສະໝອງ

• ພາວະເງິນເຟີ້ຈາກຕົ້ນທຶນ

• ພາວະເງິນເຟີ້ຈາກໂຄງສ້າງ

• ພາວະເງິນເຟີ້ຈາກການສົ່ງອອກ

• ພາວະເງິນເຟີ້ຈາກການນຳເຂົ້າ

• ພາວະເງິນເຟີ້ຈາກການເງິນ

• ພາວະເງິນເຟີ້ຈາກງົບປະມານ

• ພາວະເງິນເຟີ້ຈາກສິນເຊື່ອ

7. ພາວະເງິນເຟີ້ ແລະ ພາວະເງິນຝຶດ ມີຄວາມແຕກຕ່າງກັນຄືແນວໃດ ?

ພາວະເງິນເຟີ້:

• ເຮັດໃຫ້ລາຄາສິນຄ້າເພີ່ມຂຶ້ນ

• ອຳນາດຊື້ຂອງເງິນຫຼຸດລົງ

ພາວະເງິນຝຶດ:

• ເຮັດໃຫ້ລາຄາຫຼຸດລົງ

• ອຳນາດຊື້ຂອງເງິນເພີ່ມຂຶ້ນ

8. ສາເຫດຂອງເງິນເຟີ້ທີ່ເກີດຈາກອຸປະທານມີຫຍັງແດ່ ?

• ລະດັບອັດຕາເງິນເດືອນເພີ່ມຂຶ້ນຫຼາຍກວ່າກຳລັງການຜະລິດ

• ການເພີມຂຶ້ນຂອງລາຍໄດ້ຕົວຈິງຂອງການຜະລິດ ຈະພັກດັນໃຫ້ລາຄາສິນຄ້າສູງຂຶ້ນ

• ຍ້ອນລາຄາສິນຄ້ານຳເຂົ້າ ເພີມສູງຂຶ້ນຈາກການເກີດບັນຫາເງິນເຟີ້

• ຍ້ອນການເພີມຂຶ້ນຂອງພາສີອາກ່ອນ ແລະ ພາລະຜູກພັນຕໍ່ກັບງົບປະມານຂອງລັດ.

9. ຕະຫຼາດການເງິນມີບົດບາດຫຍັງແດ່ ?

• ເຮັດໃຫ້ຜູ້ອອມໄດ້ຮັບຜົນປະໂຫຍດຕອບແທນໃນຮູບແບບຂອງອັດຕາດອກເບ້ຍ ແລະ ອື່ນໆ

• ເຮັດໃຫ້ຜູ້ລົງທຶນມີເງິນທຶນໄປໃຊ້ໃນໂຄງການຕ່າງໆ

• ເຮັດໃຫ້ຜູ້ບໍລິໂພກມີຊີວິດການເປັນຢູ່ສູງຂຶ້ນ

• ເຮັດໃຫ້ລະບົບເສດຖະກິດມີການສະສົມທຶນຂອງປະທດເພີມຂຶ້ນ

• ເຮັດໃຫ້ເກີດຄວາມຈະເລີນທາງດ້ານເສດຖະກິດ

10. ຮຸ້ນແມ່ນຫຍັງ ? ຮຸ້ນມີຈັກປະເພດ ? ຄືປະເພດໃດແດ່ ?

ຮຸ້ນ: ແມ່ນຫຼັກຊັບປະເພດໝຶ່ງທີ່ບໍລິສັດອອກໃຫ້ແກ່ຜູ້ຖືຄອງ, ຜູ້ຖືຮຸ້ນມີສິດໃນການຮຽກຮ້ອງສິດໃນຊັບສິນ ແລະ ຜົນຕອບແທນ, ຜູ້ຖືຮຸ້ນແມ່ນເຈົ້າຂອງບໍລິສັດ, ຄວາມເປັນເຈົ້າຂອງຕາມສັດສ່ວນຖືຄອງ.

ຮຸ້ນມີ 2 ປະເພດຄື: ຮຸ້ນສາມັນ ແລະ ຮຸ້ນບູລິມະສິດ

11. ພາລະບົດບາດຂອງທະນາຄານທຸລະກິດຕິດພັນກັບການຂະຫຍາຍຕົວຂອງພື້ນຖານເສດຖະກິດມີຫຍັງແດ່ ?

• ເປັນບ່ອນສະໝອງທຶນໃຫ້ແກ່ພື້ນຖານເສດຖະກິດ.

• ເປັນຂົວຕໍ່ລະຫວ່າງເສດຖະກິດກັບຕະຫຼາດ

• ເປັນເຄື່ອງມືສຳລັບໃຫ້ລັດດັບປັບຄຸ້ມຄອງມະຫາພາກ ຕໍ່ພື້ນຖານເສດຖະກິດ.

• ເປັນຂົວຕໍ່ລະຫວ່າງການເງິນແຫ່ງລັດກັບການເງິນສາກົນ

12. ອັດຕາດອກເບ້ຍມີຈັກປະເພດ ? ຄືປະເພດໃດແດ່ ?

ມີ 3 ປະເພດຄື:

• ອັດຕາດອກເບ້ຍໃນການທະນາຄານ.

• ອັດຕາດອກເບ້ຍໃນຕະຫຼາດລະຫວ່າງທະນາຄານ.

• ອັດຕາດອກເບ້ຍອ້າງອີງ.

13. ລະດັບອັດຕາດອກເບ້ຍເງິນຝາກທະນາຄານແມ່ນຂຶ້ນຢູ່ກັບຫຍັງ ?

• ສະກຸນເງິນຝາກ ເປັນເງິນຕາພາຍໃນ ຫຼື ເງິນຕ່າງປະເທດ

• ຊະນິດຂອງບັນຊີເງິນຝາກ ເປັນບັນຊີເງິນຝາກເພື່ອການຊຳລະ ຫຼື ເງິນຝາກປະຢັດ.

• ໄລຍະເວລາການຝາກເງິນເປັນໄລບະສັ້ນ ແລະ ໄລຍະຍາວ

• ປະລິມານຂອງການຝາກເງິນ

14. ອັດຕາດອກເບ້ຍອ້າງອີງແມ່ນຖືກນຳໃຊ້ໃນເວລາໃດ ?

• ນຳໃຊ້ເປັນພື້ນຖານໃນການກຳນົດອັດຕາດອກເບ້ຍເພື່ອດຳເນີນທຸລະກິດຂອງຕົນ.

• ນຳໃຊ້ໃນເວລາທີ່ທະນາຄານທຸລະກິດດຳເນີນການປ່ອຍສິນເຊື່ອ.

• ນຳໃຊ້ໃນເວລາທີ່ທະນາຄານທຸລະກິດດຳເນີນການລະດົມທຶນ.

15. ບົດບາດອັດຕາດອກເບ້ຍໃນພື້ນຖານເສດຖະກິດມີບົດບາດໃດແດ່ ?

• ບົດບາດຂອງດອກເບ້ຍ ໃນການເພີ່ມທະວີເສດຖະກິດ

• ບົດບາດຂອງອັດຕາດອກເບ້ຍຕໍ່ກັບການລົງທຶນ

• ບົດບາດຂອງອັດຕາດອກເບ້ຍຕໍ່ກັບການປະຢັດ ແລະ ການບໍລິໂພກ

• ບົດບາດຂອງອັດຕາດອກເບ້ຍຕໍ່ກັບດັດສະນີລາຄາຜູ້ບໍ່ລິໂພກ

• ບົດບາດຂອງດອກເບ້ຍກັບອັດຕາແລກປ່ຽນ

• ບົດບາດອັດຕາດອກເບ້ຍໃນຂະບວນການແຈກຢາຍແຫຼ່ງຊັບພະຍາກອນ

• ບົດບາດຂອງດອກເບ້ຍຕໍ່ກັບການເຄື່ອນໄຫວຂອງທະນາຄານທຸລະກິດ